Normal drift att
Dei vidaregåande skulane som har vore råka av streiken, skal vera tilbake i normal drift frå torsdag 5. juni. Det gjeld også Bergen katedralskole som har vore stengt sidan 2. juni.
Eksamen
Vidare gjennomføring av eksamen skal skje i samsvar med planane før streiken starta. Så sant både sensor og eksaminator/faglærar får forsvarleg tid til å førebu sjølve eksamen, vil den verta gjennomført.
Skulane informerer
Elevane skal møta på skulen som normalt torsdag 5. juni. Kvar einskild skule vil gje elevane informasjon om kva eksamenar som vert haldne og kva eksamenar som går ut.
Kortar ned førebuingstida
Opplæringsdirektøren har etter dialog med Utdanningsavdelinga hos Fylkesmannen avgjort at hovudregelen om 14 dagars førebuingstid kan fråvikast. Rektorane ved dei vidaregåande skulane har fullmakt til, etter avtale med sensor og eksaminator/faglærar, å avgjera kva som er tilstrekkeleg førebuingstid.
Eksamenar kan verta avlyste
Planlagde eksamenar vil verta avlyste når det ikkje vert tid til nødvendig førebuing. Slik avlysing vil kunna skje ved fleire enn dei ni skulane som har hatt tilsette i streik. Det vil vera i tilfelle der oppnemnde sensorar har vore i streik og det no vert for kort tid til å gjera den førebuinga som må til.
Oppdatert informasjon frå skulane som har vore i streik
Bergen handelsgymnasium
Bergen katedralskole
Bjørgvin videregående skole
Fyllingsdalen videregående skole
Laksevåg videregående skole
Lønborg videregående skole
Olsvikåsen videregående skole
Tanks videregående skole
Lenkje
ks.no – streiken avblåst http://www.ks.no/templates/Page.aspx?id=50454
Informasjon om streik i Hordaland fylkeskommune
Denne sida er oppdatert torsdag 5. juni kl. 07.45.