Ingebjørg E. Astrup er tilsett som leiar for arbeidslaget Internasjonalt arbeid i Hordaland fylkeskommune. Ho tek til i stillinga 1. september.
Ingebjørg E. Astrup (57), som no er fylkeskultursjef i Hordaland, skiftar med dette arbeidsområde i fylkeskommunen.
Ei av oppgåvene til kultur- og idrettsavdelinga har vore deltaking i internasjonale program, eit arbeid som Ingebjørg E. Astrup ynskjer å følgja opp med ny ståstad i frå «Internasjonalt arbeid», når ho no takkar av som fylkeskultursjef. – Den etter kvart store kontakta fylkeskommunen har med venskapsregionar og andre samarbeidspartar i Europa er eit stort og spennande arbeidsfelt, seier Astrup.
Astrup har brei røynsle både frå prosjektorganisasjonar og forvalting. Ho har vore fylkeskultursjef i 5 og 1/2 år frå 2003. Før det var ho mellom anna kultursjef i Os og prosjektkoordinator for «Visuell kunst og arkitektur» i Kulturby Bergen 2000.
Den kulturelle skulesekken og museumsreforma er to kulturpolitiske satsingsfelt som har kravd omfattande prosessarbeid i kultursjefperioden hennar. Viktige tiltak som kunsthuset Kabuso og Bevaringstenestene i Salhus er realiserte.
Stanley Hauge 24.06.2008 07:27