Første inntaksomgang til dei vidaregåande skulane i Hordaland var ferdig onsdag 9. juli. Søkjarar som har oppgitt mobilnummer får sms i løpet av dagen om at inntaket er ferdig. I tekstmeldinga vil også brukar-id og passord til www.vigo.no stå opplyst.
Dei som ikkje har opplyst mobilnummer får skriftleg melding om inntaksresultatet. I denne meldinga vil det også bli opplyst brukar-id og passord til www.vigo.no. Vi oppmodar også denne gruppa å svare Ja eller Nei til plass på internett. Dette er sikrare enn å sende tilbake svarslippen, og du kan endre svaret ditt dersom du ombestemmer deg før søknadsfristen går ut.
Svarfrist for første inntaksomgang er onsdag 23. juli.
Merk at du må vente på brukar-id og passord enten på sms eller pr. brev. Inntakskontoret har ikke kapasitet til å opplyse om dette til alle som ikkje har tolmod med å vente på sms eller brev.