Fylkesordførar Torill Selsvold Nyborg og partnarane bak Næringsbarometeret ynskjer velkomen til lunsjmøte og presentasjon av ei ny utgåve av barometeret onsdag 16. januar kl. 1130–1300 i Grand Selskapslokaler.
Fylkesordførar Torill Selsvold Nyborg innleiar presentasjonen av Næringsbarometeret 2008 der problema med å skaffa kompetent arbeidskraft står sentralt.
Næringsbarometeret viser utviklingstrekk og forventningar for 2008 frå næringsliv og offentleg sektor, og ser mellom anna på utfordringane ved å dekka trongen for relevant og kompetent arbeidskraft i tida som kjem.
Etter innleiinga ved fylkesordførar Torill Selsvold Nyborg vert det presentasjon av Næringsbarometeret 2008 ved avdelingsdirektør Kenneth Stien, NAV, direktør Nina Broch Mathisen, Innovasjon Norge og direktør for Bedriftsmarked Henning Nordgulen, Sparebanken Vest.
Møtet vert leia av regiondirektør Tom Knudsen, NHO Hordaland. Kommunikasjonsrådgjevar Hans Wilhelm Gullestad, Nor PR, er dirigent for spørsmålrunden og debatten kring funn i barometeret.
Om Næringsbarometeret
Næringsbarometeret er eit samarbeidsprosjekt mellom NAV, Innovasjon Norge, NHO, Sparebanken Vest og fylkeskommunane i Hordaland og Sogn og Fjordane. Målet med undersøkinga er å kartleggje næringsutviklinga i dei to fylka. Næringsbarometeret vert gjeve ut to gongar kvart år. Vinterutgåva vert offentleggjort onsdag 16. januar.
Bedriftsundersøkinga i Næringsbarometeret vert gjennomført av Asplan Viak, delvis i tilknyting til NHO sitt Økonomibarometer. Bedriftsundersøkinga som varte gjennomført i oktober/november 2007 femnar om 1382 verksemder i alle delar av næringslivet, med 1034 i Hordaland og 348 i Sogn og Fjordane.
Påmelding innen måndag 14. januar - møtet er gratis for alle.