Vestlandsrådet krev nye MTB-ar som del av Forsvaret

Etter framlegg frå Gisle Handeland vart følgjande fråsegn samrøystes vedteken i Vestlandsrådet sitt møte 21. februar:

Fråsegna
”MTB-ane må vere ein viktig del av vårt forsvar

Forsvarspolitisk utval har i sin sluttrapport til Forsvarsstudien tilrådd at dei seks nye MTB-ane i Skjold-klassa ikkje skal vidareførast som ein del av Forsvaret. Vestlandsrådet finn konklusjonen heilt uakseptabel og vil peika på følgjande:

Dei nye MTB-ane har teknologi, stridskraft og fart som gjer dei særs godt eigna til å ivareta heilt sentrale forsvarspolitiske oppgåver som
- handheving av vår suverenitet i vårt sjøterritorium
- sikring av våre mange olje- og gassinstallasjonar
- trygging av interesser knytt til fiskerinæringa
- sikring av sjøgåande transport

Vestlandsrådet konstaterer at investeringa på nær 5 mrd kroner alt er gjort. Vestlandsrådet krev at MTB-ane inngår som ein viktig del av vårt forsvar i åra framover.”