Ordførar Gard Folkvord i Odda kommune og fylkesordførar Torill Selsvold Nyborg i Hordaland fylkeskommune har no sett seg i førarsetet for å sikra framdrifta av søknaden til UNESCO for å få Odda på verdsarvlista.
Ordførar Gard Folkvord (t.v) og varaordførar John Opdal møtte fylkesordførar Torill Selsvold Nyborg for å gira opp framdriften med å få Odda inn på UNESCO si verdsarvliste.
Framdriftsplanen for å få deler av Smelteverkstomta i Odda på UNESCO si tentative liste for verdsarvsøknadar er no gira opp eit hakk. I føremiddag var Odda-ordførar Gard Folkvord og varaordførar John Opdal i møte med fylkesordførar Torill Selsvold Nyborg for å meisla ut strategien vidare.
- Vi har gjort nokre avklaringar og tek no initiativ for å få til eit møte med Riksantikvaren og miljø- og utviklingsminister Erik Solheim, seier fylkesordførar Torill Selsvold Nyborg. Vi vil her utfordra Staten til å laga nominasjonsdokumentet til UNESCO si tentative liste for verdsarvsøknadar.
Ho legg til at dei må få avklara med Riksantikvaren den vidare prosessen, og med statsråd Solheim om medverknad frå Staten.
- No er det viktig å få på plass ein prosjektorganisasjon med representantar frå dei ulike medspelarane som kan driva prosjektet framover, understrekar Selsvold Nyborg.
Tekst og foto: Simon Sortland 02.12.2008 12:51