Frå 16 til 20 år
Hordaland fylkesting vedtok å auka kollektivtakstane med 2,5 prosent i budsjettet for 2009. Ungdomskortet er gjeldande i heile fylket for buss, båt og ferje. Ungdomskort er gyldig frå og med fylte 16 år til og med den dagen ein fyllar 20 år.
Glad fylkesordførar
- Vi er svært glade for at vi klarte å skåna Ungdomskortet frå den generelle takstauken, seier Selsvold Nyborg. Fleirtalskoalisjonen har fleire gongar redusert prisen på Ungdomskortet sidan innføringa i 2003. Då var prisen 380 kroner.
Prioriterer ungdomen
- Dette syner at vi prioriterer ungdomen og kollektivtrafikken. Prisreduksjonane på Ungdomskortet har vore ein vilja politikk i fylkestinget. Dette er god miljø-, ungdoms- og familiepolitikk, seier fylkesordførar Torill Selsvold Nyborg.
Buss, båt, ferje og lokaltog
Gjeldande frå 01.08.07 kostar Ungdomskort 295 kroner. Det kan nyttast på følgjande transport:
Buss: Alle ordinære bussruter i Hordaland unnateke nattbussruter og flybussruter.
Kystbussen frå/til Haugesund unnateke strekninga Bergen – Sandvikvåg, og unnateke ruter på strekninga Leirvik - Heiane som går kvardagar før kl 19 og laurdagar før kl 15. Ekspressbussrutene mot Sogn og Fjordane frå/til fylkesgrensa. Haukeliekspressen frå/til fylkesgrensa. Trygt heim-rutene.
Båt: Alle snøggbåtrutene i Hordaland inkludert Flaggruten og Snarveien, men unnateke strekninga Bergen-Lygra-Fonnes/Vardetangen. Alle lokalbåtrutene i Hordaland.
Ferje: Alle ferjerutene i Hordaland inkludert sambanda Breistein-Valestrandsfossen og Masfjordnes-Duesundøy.
Tog: Alle lokaltogrutene i Hordaland.
Meir informasjon om Ungdomskortet