Budsjettet fordeler seg med 4 298 mill. kr til drift av dei ulike tenesteområda, 231 mill. kr til renter og avdrag på lån og 811,5 mill. kr til investeringar. Totalbudsjettet for Hordaland fylkeskommune i 2009 vert dermed på i alt 5 341 mill. kr.
Fordeling
Driftsbudsjettet fordeler seg slik: Opplæring 2 193,7 mill. kr, samferdsel 1 049,4 mill. kr, tannhelse 219,4 mill. kr, kultur 212,0 mill. kr, regional utvikling 182,1 mill. kr, politiske organ og administrasjon 212,2 mill. kr, og fellesfunksjonar 190,6 mill. kr.
Inntekter
Skatteinntekter og rammetilskot er på 3 619,0 mill. kr, inntekter på dei ulike tenesteområda utgjer 896,8 mill. kr, renteinntekter 50,0 mill. kr og bruk av ubundne avsetjingar 2,5 mill. kr.
Investeringar 2009
Hordaland fylkeskommune skal bruka 811,5 mill. kr til investeringar i 2009, 100,5 mill. kr meir enn i år. 551,5 mill. kr skal nyttast i skulesektoren, 226,5 mill. kr til samferdsel, 8,5 mill. kr ved tannklinikkar, 3 mill. kr til kulturprosjekt, 1 mill. kr til næringsføremål og 21 mill. kr til fellesfunksjonar.
Største einskildløyvinga er 120 mill. kr til Amalie Skram videregående skole i Bergen. Til Nordahl Grieg videregående skole er det ført opp 88 mill. kr og til tilbygg ved Knarvik vidaregåande skule 48 mill. kr. Begge desse skulane er under bygging.
Meir om budsjettet
Pressemelding frå fylkestinget 9. desember 2008
Årsbudsjett 2009 og økonomiplan 2009-2012