Det er bra med auka satsing på drift og vedlikehald av veg- og banenett. Men forslaget til nasjonal transportplan 2010-19 vrir pengebruken så sterkt mot vedlikehaldsoppgåvene at det går ut over heilt nødvendige investeringar, seier Hordaland fylkesting i
Fylkestinget handsama saka på møte 24. april.
I fråsegna trekkjer fylkestinget fram:
- Rammene for strekningsvise investeringar i transportnettet må aukast.
- Hordaland kan ikkje akseptera halvert løyving til rassikring av riksvegar.
- Løyvinga til investeringar i øvrige riksvegnett må oppretthaldast på dagens nivå med 300 mill. kr årleg og ikkje reduserast til om lag ein tredjedel.
- E39 Rådal – Svegatjørn er det høgast prioriterte stamvegprosjektet i Hordaland.
- Ny seglingslei til Bergen må prioriterast.
- Dobbeltspor Bergen-Arna må gjennomførast utan meir utsetjing.
- Avinor må overta eigarskapet av Stord lufthamn, Sørstokken.
- Oppretting av statleg infrastrukturfond til finansiering av meir effektiv utbygging.
Framskunding positivt
«Set ein klimagassutslepp og miljø i fokus og vektlegg risiko og sårbarheit, er det ei rekkje prosjekt i Hordaland som burde framskundast i staden for å utsetjast grunna tronge råmer. Mellom anna gjeld dette: E 39 Os – Bergen, fullføring av Bergensprogrammet med forlenging av Bybanen og ringveg vest, nytt vegsamband til Sotra, Arnatunnelen og dobbeltspor på jernbanen Bergen – Arna,» heiter det mellom anna i den tilrådde fråsegna. .
Lenkje
Heile NTP-vedtaket, sjå pressemelding om vedtak i fylkestinget 24.4.2008