Folketalet i Hordaland auka med 5 963 i 2007. Dette er den største veksten som er registrert nokon gong. Tidlegare toppår var 1970 med auke på 5 267 personar, i følgje Statistisk sentralbyrå si oversikt frå 1951-2007.
Av veksten i fjor var 3 649 nettoinnflytting og 2 323 fødselsoverskot.
Frå utlandet
Det er innflyttinga frå utlandet som gjev dette solide plusstalet. Utan den ville Hordaland hatt fråflytting, då det innanlands er 325 fleire som har flytta frå enn til Hordaland.
Frå utlandet flytta 5 629 personar til Hordaland i fjor, medan 1 655 flytta til utlandet. Innflyttaroverskotet frå utlandet var på 3 974 personar.
Taper innanlands
Innanlands var det 7 780 personar som flytta frå Hordaland, medan 7 455 flytta hit til fylket. Netto utflytting innanlands var på 325 personar.
Størst vekst kring 1970
Folkeveksten i Hordaland var i fjor den høgaste registrerte nokon i følgje SSB sine statistikkar. Men auken på 5 267 i 1970, før Bergen og Hordaland vart eitt fylke, var sterkare. Før samanslåinga frå 1972 var folketalet i Hordaland ca. 260 000.
I åra 1967-71 auka folketalet i Hordaland årleg mellom 4020 og 5267 personar. Denne veksten kom av både høge fødselsoverskot og tilflytting frå Bergen til omlandskommunane.
Over 6000 fødde
Fødselstalet i Hordaland i 2007 var 6018 og var for første gong sidan 2000 over 6000.
Tre fylke veks meir
Tre fylke auka folketalet meir enn Hordaland i 2007. Oslo toppar med 11 867 nye innbyggjarar, Akershus auka med 9 390 og Rogaland med 8 121.
Folketalet i Rogaland var 412 687 ved utgangen av fjoråret, ca. 50 000 lågare enn i Hordaland. I Sogn og Fjordane auka folketalet med 65 i fjor, til 106 259.
Lenkjer til
Folketal fylkesvis pr. 1.1.2008
Folketal kommunar i Hordaland pr. 1.1.2008
Sjå også: Historisk sterk vekst i folketalet i Hordaland i 2007