Fylkesutvalet sitt vedtak:
1 Fylkesutvalet viser til Hordaland fylkeskommune sitt engasjement i prosjekt og prosessar som har som mål å skape utvikling i Odda, og ser positivt på at Odda kommune gjennom eit omfattande reguleringsplanarbeid for smelteverkstomta langt på veg har lagt rammene for ei framtidig positiv utvikling av området. (Samrøystes.)
2 Fylkesutvalet viser til at smelteverkstomta er eit miljø med internasjonal kulturminneverdi og understrekar at kulturminne må vektleggjast som premiss for planen. (Vedteke med 10 (Ap, SV, Sp, V, Frp) mot 5 (H, KrF) røyster.)
3 For å sikre kulturminna bør det utarbeidast meir eintydige arealbruksføremål og føresegner i planen. Dei elementa som er naudsynte for vern av kulturmiljøet Odda smelteverk må regulerast som spesialområde med føremål bevaring. (Vedteke mot 3 (Frp) røyster.)
4 Vegløysinga i planen er i konflikt med omsynet til internasjonale og nasjonale kulturminneverdiar og bør omarbeidast i tråd med fråsegn gjeve av Hordaland fylkeskommune. (Vedteke mot 3 (Frp) røyster.)
5 Fylkesutvalet rår til at kommunen nyttar stadanalyse i tråd med Riksantikvaren si tilråding før planen blir vedtatt. (Vedteke mot 3 (Frp) røyster.)
6 Fylkesutvalet fremjar motsegn til planforslaget grunna konflikt med nasjonale kulturminneinteresser. (Vedteke med 11 (Ap, KrF, Sp, SV, V, 1 H) mot 4 røyster (1 H, 3 Frp).)
7 Fylkesutvalet ber fylkeskommunen prioritera dialog med Odda kommune slik at ein unngår unødig forsinking av planarbeidet. (Samrøystes.)
8 Fylkesutvalet ber og om at det vert teke initiativ til eit møte med Odda kommune om fylkeskommunen og Odda kommune sin felles søknad om nominasjonen til verdsarvlista. (Vedteke mot 3 (Frp) røyster.)
Pressemelding frå fylkesutvalet (rtf-fil)