I høve til noverande periode går SV tilbake med to mandat medan Arbeidarpartiet, Fremskrittspartiet og Venstre kvar går fram med eitt mandat. Pensjonistpartiet som fekk eitt mandat i 2003 kom ikkje inn denne gongen. I den komande perioden er det åtte parti som har representantar i fylkestinget.
Pressemeldingar om valet
27 nye representantar
Av dei 57 representantane er 26 nye i denne perioden. 26 kvinner og 31 menn er valde. 45,6 % av representantane er kvinner som er 3,5 % meir enn i 2003 då 24 kvinner vart innvalde.
Den yngste representanten som er valt er Eivind Nævdal-Bolstad (f. 1987) for Høgre. Eldste representant er Georg Indrevik (f. 1939) for Fremskrittspartiet. 12 av representantane er i aldersgruppa 20-30 år.
Stor utskifting
Utskiftinga i fylkestinget er stor med 47,4 % nyvalde representantar. For fire år sidan var utskiftinga endå større, då 30 representantar (52,6 %) var nye. Nokre av dei som no er valde inn, har vore representantar i tidlegare periodar eller har møtt som vararepresentantar.
Sju av Arbeidarpartiet sine 14 representantar er nye. Av Fremskrittspartiet sine 14 er fire nye. I høgregruppa er seks av elleve nye. Kristeleg folkeparti stiller med tre nye av fem. SV og Sp har begge to nye av fire. Venstre har to nye av tre og i RV-gruppa er ein av to ny.
Valdeltakinga
Valdeltakinga ved fylkestingsvalet i Hordaland var 60,45 % noko som er vel 2,0 % meir enn i 2003. Dette er andre fylkestingsvalet på rad med auka deltaking i Hordaland. I 1999 var frammøteprosenten 57,3.
Kjønnsfordeling
Kvinnerepresentasjonen auka frå 42,1 % i 2003 til 45,6 % ved årets val.
Arbeidarpartiet 7 menn 7 kvinner
Fremskrittspartiet 10 menn 4 kvinner
Høgre 6 menn 5 kvinner
Kristeleg folkeparti 3 menn 2 kvinner
Sosialistisk venstreparti 2 menn 2 kvinner
Senterpartiet 1 menn 3 kvinner
Venstre 2 menn 1 kvinner
Raud Valallianse 0 menn 2 kvinner
Kommunevis fordeling
20 kommunar vert representerte i fylkestinget i den komande perioden, mot 19 ved valet i 2003. Ordninga med utjamningsmandat gjekk ut ved førre val.
19 fylkestingmedlemer er frå Bergen kommune. Elles er fordelinga slik: Kvinnherad 5, Askøy 4, Fjell 4, Odda 4, Os 4, Lindås 3 og Bømlo 2. Desse kommunane får 1 representant: Austevoll, Fedje, Fitjar, Fusa, Granvin, Kvam, Masfjorden, Meland, Stord, Ullensvang, Vaksdal og Øygarden.
Personrøyster
Personrøyster fekk ikkje innverknad på samansetjinga av fylkestinget ved dette valet. For å rykkja opp frå nominert plass krevst det at minst 8 % av dei som nyttar ei liste gjev personrøyst til kandidatane.
Terje Søviknes (Frp), Magnar Lussand (Sp) og Torill Selsvold Nyborg (KrF) fekk alle over 8 % personrøyster, men sidan dei alt var toppkandidatar for sine parti fekk det ingen utslag.
Kolbotn mangla 20 røyster
Terje Kolbotn (RV) var nærast til å sikra seg fylkestingsplass ved personrøyster. Han fekk 434 røyster (7,65 %) og mangla dermed 20 røyster på å verta den eine av RV sine to fylkestingsmedlemer.
Søviknes fekk flest personrøyster
Av dei som kom inn i fylkestinget, fekk Terje Søviknes flest personrøyster med 18,2 % (8 703), Magnar Lussand fekk 10,0 % og Torill Selsvold Nyborg 9,5 %.
Fleire av toppkandidatane og nokre andre på listene som ikkje får fylkestingsrepresentantar, fekk også mange personrøyster. Til dømes fekk Fredrik U. Litleskare på Demkratene si liste personrøyster frå 18,9 % av dei som nytta denne lista. Hildur Larsen som var nr. 2 på Kystpartiet si liste, fekk 12,1 %.
Retta lister
Av dei partia som fekk representantar i fylkestinget, var det Fremskrittspartiet som hadde flest veljarar (28,4 %) som nytta seg av høve til å gje personrøyster. Deretter Senterpartiet 27,4 %, Raud Valallianse 26,3 %, Venstre 23,5 %, Kristeleg folkeparti 22,4 %, Sosialistisk venstreparti 18,3 %, Høgre 16,9 % og Arbeidarpartiet 15,9 %.
42,5 % av Demokratene sine lister var retta og tilsvarande: Kystpartiet 32,9 %, NKP 30,0 %, Miljøpartiet dei grøne 27,8 %, Pensjonistpartiet 11,9 % og Kristent samlingsparti 10,2 %.
Retting av lister har vore særleg stor i enkelte kommunar. I Kvam var 48 % av røystesetlane påført personrøyster.
Pressemeldingar om valet