Det er behov for fleire bøsseberarar til TV-aksjonen på NRK søndag 21. oktober. I Hordaland vil bøsseberarar besøke alle husstandar mellom klokka 15.00 og 18.00.
Pengane skal gå til å hjelpe barn og unge som har fått hiv eller aids.
For å nå alle husstandar i Hordaland er aksjonen avhengig av at folk stiller opp som bøsseberarar og går årets viktigaste søndagstur den 21. oktober.
Aksjonen er i år tildelt UNICEF Norge. Aksjonen ”Sammen for barn” skal gjennomførast i samarbeid med Norges Idrettsforbund og Olympiske Komité og Right To Play. Inntektene frå TV-aksjonen går til barn berørt av hiv/aids. Over 15 millionar barn er foreldrelause på grunn av aids. Kvar dag blir 6000 nye barn foreldrelause, og 1400 barn dør av aids.
TV-aksjonen sitt mål er å styrke lokalmiljøa si evne til å handtere utfordringane knytta til hiv/aids problematikken. Det handlar om ei satsing på førebygging, omsorg og medisinar, i tillegg til å forhindre smitte mellom mor og barn.
Årets TV-aksjon skal syte for at barn rammet av hiv og aids skal sleppe å kjempe åleine!
Les meir og meld deg som bøsseberar på www.sammenforbarn.no eller ring bøsseberartelefonen på 0 20 25.
TV-aksjonen i Hordaland v/ Fylkesaksjonsleiar Ane Kristine Aadland kan kontaktas på telefon 55 56 63 73 / 936 04 467 og på e-post hordaland@tvaksjonen.no.