Kveiteoppdrett er viktig i ”Vestlandsprogrammet for nye oppdrettsartar”.
- Arbeidslaget Verdiskaping i kystsona har vært med i utvikling av programmet og vil få plass i programgruppa som skal følgje opp det faglege og støtta dei politiske prosessane, opplyser spesialkonsulent Siri Hanson i Hordaland fylkeskommune.
I prosessen har Norconsult, SINTEF Fiskeri og havbruk og SINTEF MRB i Ålesund analysert utfordringane og gitt råd om artar og satsingsfelt. Vestlandet har føremuner for å kunna vidareutvikla havbruksnæringa til å få lønsemd innan fleire oppdrettsartar. Forskingsmiljøet har internasjonal tyngde innanfor marin FoU, og bedrifter innan akvakulturindustien har erfaring og kompetanse.
Fire vestlandsfylker
Vestlandsrådet vedtok på sitt marsmøte handlingsplanen for ”Vestlandsprogrammet for nye oppdrettsartar” og gav eit førebels tilsegn på 675.000 kroner for gjennomføring av programmet.
Arbeidsgruppa har no utarbeida forslag til handlingsplan for alle programområda i Vestlandsprogrammet for perioden 2007-2010. Programområda er finansieringsordningar, arealbruk, kompetanseheving og rekruttering, og nettverk og FoU.
Handlingsplanen for perioden 2007-2010 er utarbeidd av ei arbeidsgruppe med representantar frå dei fire vestlandsfylka samt ein representant frå Innovasjon Norge og ein frå MarinVEST. Forskingssjef Ulf Winther, SINTEF Fiskeri og havbruk, har vore engasjert som prosjektkoordinator. Programgruppa har, forutan framlegg til finansieringsordningar, føreslege tre tiltak innan arealbruk, åtte tiltak under kompetanseheving og rekruttering, og sju tiltak innan nettverk og FoU.
Programgruppa skal leggja fram desse på Vestlandsrådet sitt møte i juni 2007.
Vestlandsprogrammet for nye oppdrettsartar
Verdiskaping i kystsona