Mellom 400 og 500 personar, unge som eldre, var laurdag til stades på den flotte nye rasteplassen i Skavdalsvingen. Det var reine 17.-maistemninga under den offisielle opninga av den "nye" Fv 40 mellom Omvikdalen og Matre i Kvinnherad kommune.
Fylkesordførar Torill Selsvold Nygård klipte snora på nye-vegen i Skavdalssvingen i lag med ordførar Bjarne Berge (t.v) og vegsjef Ole Chr. Torpp. (Foto: Jane Haaranes/Grenda).
Den store festen sette punktum for eit anlegg til 20 millionar kroner der Hordaland fylkeskommune betalar heile gildet. Sunnhordland Kraftlag har forskottert halvparten i fire år.
Fylkesordførar Torill Selsvold Nygård trekte fram at gode vegar og kommunikasjonar er sjølve livsnerva i mange bygdesamfunn. Når SKL gjekk i gang med den siste kraftutbyggjinga i Matrefjella, fekk kommunen og Hordaland fylkeskommune ein gylden sjanse til å få gjort noko med dei dårlege vegane.
Fylkesordføraren tykte Skavdalssvingen på det nye veganlegget glir fint inn i den vakre naturen i dette området.
innsida.no: Vegfest større enn 17. mai
Punktum for anlegg til 20 mill kroner
Bildeserie: Folkefest for ny veg til/frå Matre
Kvinnheringen: Folkefest i Skavdalsvingen