Fredag 22. juni opna fylkesordførar Torill Selsvold Nyborg den nye turistvegen mellom Utne og Jondal, riksveg 550. Opninga fann stad på den nye rasteplassen på Hereiane i Jondal, like ved tusenårsmonumentet i kommunen.
Strekninga mellom Utne og Jondal er ein del av Nasjonal turistveg Hardanger. Den andre delen, riksveg 7 frå Steinsdalsfossen i Norheimsund til Halne på Hardangervidda, har frå same tid fått fornya turistvegstatusen.
Opninga fredag fann stad ved det særmerkte servicebygget som er reist på Hereiane. Ved opprustinga som no er gjort er det også bygd ny rasteplass på Hesthammar. Langs riksveg 7 er stoppestadane på Bjelkaneset og Lussand rusta opp.
Fylkesordførar Torill Selsvold Nyborg saman med ordførarane i vertskommunane for turistvegen Utne-Jondal. Til venstre ordførar Solfrid Bergen i Ullensvang og til høgre ordførar John Skogseth i Jondal. (Foto: Kjartan Pettersen.)
Lenkjer
Kart over Nasjonal turistveg Hardanger
Nasjonal turistveg Utne-Jondal (Hardanger folkeblad)