Voss gymnas, Skulehaugen, får følgjande utdanningsprogram: Studiespesialisering; studiespesialisering – formgjeving; musikk, dans og drama; idrettsfag; media og kommunikasjon; service og samferdsel; design og handverk; helse og sosialfag; særskilt tilrettelagt undervisning.
Voss jordbruksskule, Skulestadmo, får følgjande utdanningsprogram: Naturbruk; restaurant- og matfag; teknikk og industriell produksjon; bygg- og anleggsteknikk; elektrofag; teknisk fagskule
Vedtaket var samrøystes.
Forslag som fall
Gisle Handeland (Ap) føreslo at det skal arbeidast vidare med utdanningsprogramma for skulane med sikte på å oppnå betre kjønnsmessig balanse, og ei utjamning av studiespesialiserande og yrkesfaglege studieretningar for å unngå reindyrking av ein yrkesfagleg og ein allmennfagskule. Forslaget fekk 23 (Ap, SV, RV, V) røyster og fall.
Torstein Dahle (RV) og Bjørn Lothe (SV) føreslo at elektrofagklassane framleis skal liggja i Granvin. Dette forslaget fekk 26 (Ap, SV, RV, V, SP) røyster og fall.
Dahle føreslo også at helse- og sosialfag og media og kommunikasjon vert lagt til skulen på Skulestadmo og at skulen på Skulehaugen ikkje skal ha meir enn 600 elevar. Dette forslaget fekk 2 (RV) røyster og fall.
Bjørn Lothe (SV) føreslo også at det skal arbeidast vidare med utdanningsprogramma ved dei to skulane. Døme på liner som kan flyttast til Skulestadmo er; helse og sosial og/eller service og samferdsel. Forslaget fekk 8 røyster (SV og RV) og fall.
På Skulestadmo
Skulen på Skulestadmo vert ein etter måten stor yrkesskole. Elevtalet vert ca. 420 og det vil vera ca. 60 årsverk knytt til skolen. Dette vert ein fusjon av Voss jordbruksskule, Voss vidaregåande skule si avdeling på Bryn, elektrofagklassane i Granvin og delar av Rogne vgs. (Restaurant- og matfag).
På Skulehaugen
Dei resterande utdanningsprogramma vil verta lokaliserte i skulen på Skulehaugen ved og i dagens Voss gymnas. Denne vil ha ca. 740 elevar og ca. 80 årsverk.
Investeringar på 347 mill. kr
Investeringskostnadene er kalkulert til 347,3 mill. kr for alternativet med to skular. I denne summen er lagt inn. 20,8 mill. kr til ombygging og oppgradering av det eksisterande skuleanlegget på Skulehaugen.
Investeringskostnadene vert, etter nærare vurderingar, å innarbeida i sak om økonomiplan til fylkestinget i desember 2007, heiter det i fylkestinget sitt vedtak.
Pressemeldingar frå fylkestinget 13. juni 2007