Hjeltnes gartnarskule i samarbeid med Ulvik herad pynta på Verdas miljøverndag 5. juni opp sentrum i Ulvik med blomar. «Eit blømande Brakanes» kalla dei prosjektet.
Markerte Verdas miljøverndag
5. juni er Verdas miljøverndag. Markeringa i år har hatt «is som smeltar» som tema. Hjeltnes gartnarskule har i lag med Ulvik herad markert verdas miljøverndag på sin måte.
«Eit blømande Brakanes»
Heradet og skulen har gått i lag om eit prosjekt dei har kalla «Eit blømande Brakanes». Brakanes er namnet på sentrum i Ulvik. Kontakt mellom skule og (nærings)livet ikring er viktig for at elevane seinare lettare skal kunna gli inn i yrkeslivet. Dette samarbeidet er såleis fint i tråd med Kunnskapsløftet,
Gartnarskuleelevane Monika Norekvål og Renate Nordpoll pyntar ved kyrkja i Ulvik.
Samarbeid
Ulvik herad betaler for blomar, jord og ulike blomsterkassar. Elevar og lærarar ved Hjeltnes gartnarskule har stått for det faglege arbeidet som vil seia planting, gjødsling og utplassering. Motor i prosjektet har vore Andrid Solaas Innset, lærar og leiar for Grønt kompetansesenter på Hjeltnes.
Blomstra som aldri før
Tysdag 5. juni vart blomsteraksjonen gjennomførd i praksis. Aldri har vel sentrum i Ulvik blomstra opp på så kort tid! Og sjølvsagt hadde vergudane skjøna alvoret med å ta vare på miljøet både på den eine og andre måten, slik at dei støtta aksjonen med godt vêr!
Steinar I. Bergo, Hjeltnes gartnarskule 08.06.2007 08:55