Bygginga av ny veg på Rv 48 Helland-Havgårdsdalen, Moshovdatunnelen, i Fusa vert 30 mill. kr dyrare enn kostnadsramma på 100 mill. kr som har vore lagt til grunn. Det viser prisoverslag som Statens vegvesen har gjort med grunnlag i kostnadsauke på tilsvar
Fylkesutvalet tek opplysningane om auka kostnadsramme for prosjektet Rv 48 Mosahovdtunnelen i Fusa kommune til orientering, og legg til grunn at prosjektet vert gjennomført i samsvar med tidlegare vedtekne prioriteringar i handlingsprogrammet til Nasjonal transportplan 2006-2015. Vedtaket var samrøystes.
Viktig prosjekt
Fylkesrådmannen understrekar i saksutgreiinga den viktige betydninga Rv 48 har for gjennomgangstrafikken i kommunane Kvinnherad, Fusa og Samnanger. For å vidareføre den standardhevinga denne vegstrekninga har fått dei siste åra meiner fylkesrådmannen at Mosahovdtunnelen er eit viktig og nødvendig vegutbyggingsprosjekt.
Langsiktig forskottering
Fylkesrådmannen peikar på at heile 70 mill. kr av prosjektkostnadene vert finansiert med ei langsiktig forskottering frå verksemder i området, tilrådde at prosjektet vert realisert i samsvar med tidlegare prioriteringar. Aktuelle konsekvensar av meirkostnaden med prosjektet må vurderast og fastleggast i samband med handsaminga av riksvegbudsjettet for Hordaland i 2008 og 2009.
30 mill. kr dyrare
Prosjektet er tidlegare vedteke som ein del av handlingsprogrammet for Nasjonal transportplan 2006-2015 med ei kostnadsramme på 100 mill. 2006-kr. Sjølv om det prosjektet vart tenkt starta opp i 2006, er det enno ikkje lyst ut på anbod. Med grunnlag i kostnadsauke på tilsvarande anlegg, som har vore ute på anbod, har Statens vegvesen justert opp kostnadsramma frå 100 mill. 2006-kr til 130 mill. 2007-kr.
Pressemelding om vedtak i fylkesutvalet (rtf-format)