Hordaland fylkesutval har løyvd 3 mill. kr til omstillingsarbed i Ålvik i 2007. Det er løyvd 1 mill. kr av omstillingsmidlar frå Regionalt Utviklingsprogram 2007 til Ålvik Vekst KF. Innanfor omstillingsmidlane vert ytterlegare 2 mill. kr øyremerkt omstill
Staten må løyva
Fylkesutvalet sluttar seg til kravet om statleg ekstrainnsats retta mot omstilling i Ålvik i Kvam herad. Også Elkem må bidra med betydelege økonomiske ressursar til dette arbeidet, heiter det i fylkesutvalet sitt vedtak.
Omstillingsmidlar 2007
Fylkeskommunen disponerer i 2007 i alt 7,5 mill. kr i omstillingsmidlar tildelt frå staten. Summen er 2,5 mill. kr høgare enn i fjor. 1,5 mill. kr av auken er tildelt på grunn av utfordringane i Ålvik og at fem nye kommunar i fylket har fått verkemiddelstatus frå departementet.
SNU II i Sunnhordland
Fylkesutvalet har løyvd 600 000 kr til SNU II i Sunnhordland for å medverke til varige resultat av omstillingsarbeidet i Sunnhordland. Det vert tatt sikte på å løyve kr 450 000 i 2008 som siste løyving. Føresetnaden er at SNU også samspelar aktivt med næringsutviklingsarbeidet gjennom Samarbeidsrådet for Sunnhordland.
Indre Hardanger og Tysnes
Inntil 1,5 mill. kr er løyvd til oppfølging av oppstarta omstillingsarbeid i Indre Hardanger
Til omstillingsprosjekt i Tysnes kommune er det løyvd inntil 1,2 mill. kr.
Til nyskaping i næringshagar og inkubatorar er det sett av inntil 500 000 kr.
Pressemelding frå fylkesutvalet