Hordaland fylkeskommune har ein del tilskotsmidlar som skal tildelast kommunar og lokalsamfunn til næringsutvikling, mellom anna 14,5 millionar til fyrtårnprosjekt og 1,35 millionar til lokalsamfunnsutvikling. Vidare finst det statlege millionar til småsamfunnssatsing og kulturbasert næringsutvikling.
Tilskota er tilgjengelege gjennom fire ordningar:
· Bruk av konsesjonskraftmidlar til strategisk viktige prosjekt for regional utvikling
· Program for lokalsamfunnsutvikling
· Nasjonal småsamfunnsatsing
· Kulturbasert næringsutvikling
Søknadsfrist for fylkeskommunale midlar er 15. mars 2007, mens søknadsfristen for statlege midlar er 1. mars 2007.
Bruk av konsesjonskraftmidlar til strategisk viktige prosjekt for regional utvikling
14,5 millionar kroner skal gå til større ”fyrtårnprosjekt” der ein kan skape noko unikt for heile eller delar av fylket, eller til prosjekt som medverkar til å skape attraktive og konkurransedyktige regionar. Midlane skal primært gå til investeringsføremål.
Program for lokalsamfunnsutvikling
1,35 millionar kroner skal gå til lokalsamfunnsutvikling. Ordninga skal bidra til å styrkje utviklinga i kommunane og lokalsamfunn. Midlane kan gå til to ulike hovedføremål: Lokalsamfunnsutvikling og partnerskap i kommuneplanlegginga.
Statleg program for satsing på småsamfunn
I statsbudsjettet er det sett av 50 millionar kroner til småsamfunnssatsing, av desse 20 millionar til nasjonale tiltak. Hordaland fylkeskommune oppmodar kommunar og andre lokale utviklingsaktørar om å kome med gode prosjektforslag.
Statleg program for satsing på kulturbasert næringsutvikling
I statsbudsjettet er det sett av seks millionar kroner i 2007 til ny pilotverksemd innafor temaet kulturbasert næringsutvikling, mens ni millionar kroner er avsett til å følgje opp prosjekt som vart starta opp i 2006.
Fylkeskommunen er ein medspelar
Hordaland fylkeskommune skal vere ein medspelar for kommunane og andre utviklingsaktørar, og saman med dei arbeide aktivt for å gjere fylket til ein leiande aktør i arbeidet med regional utvikling, til beste for innbyggjarane, kommunane og næringslivet. Fylkeskommunen inviterar difor med dette kommunane til å søkje om midlar til regional utvikling. For å sikre ei best mogeleg koordinering mellom ordningane, vert dei lyst ut felles. Dette gjeld både midlar som Hordaland fylkeskommune alt forvaltar, og statsmidlar som kan søkjast i samarbeid med fylkeskommunen. Kvar av ordningane har særlege føringar, men også nokre felles trekk som kommunane vert bedne om å merke seg.
Informasjonsbrev frå Hordaland fylkeskommune (word)
Informasjonsbrev frå Kommunal- og regionaldepartementet (pdf)
Fleire opplysningar og søknadsskjema