Fylkesvalstyret får 14 vallister å godkjenna til fylkestingsvalet i Hordaland måndag 10. september 2007. Det er dei same 14 partia som stilte vallister ved fylkestingsvalet i 2003 som har levert vallister innan fristen 31. mars i år.
Desse stiller valliste:
Senterpartiet
Fremskrittspartiet
Kristeleg Folkeparti
Venstre
Høyre
Pensjonistpartiet
Sosialistisk Venstreparti
Det norske Arbeiderparti
Raud Valallianse
Miljøpartiet dei grøne
Demokratene
Kystpartiet
Noregs Kommunistiske Parti (NKP)
Kristent Samlingsparti
Godkjenning
Fylkestinget er det øvste politiske organet i Hordaland. 57 representantar skal veljast inn.
Fylkesvalstyret skal underretta samtlege kandidatar på listeforslaget om at dei er sett opp på listeforslaget, og opplysa om adgangen til å søkja om fritak. Innlevert listeforslag kan kallast tilbake av tillitsutvalet. Erklæring om tilbakekalling må vera innlevert seinast 20. april.
Fylkesvalstyret skal etter vallova §6-6 innan 1. juni avgjera om forslag til vallister og eventuelle tilbakekallingar av listeforslag kan godkjennast. Når listeforslaga er godkjende, vert dei offisielle vallistene lagt ut til gjennomsyn.
Dei 14 vallistene med kandidatar vert lagt ut på Hordaland fylkeskommune sine internettsider på www.hordaland.no når vallistene er godkjende.