Samferdselsutvalet i Hordaland er positiv til at Bømlo kommune får forskottere trafikksikring av fylkesveg 18 mellom Laurhammar og Urangsvåg. Arbeidet er kostnadsrekna til 1,2 millionar kroner.
Pengane skal gå til å byggje eit 390 meter langt fortau og utbetre to dårlege avkøyrsler. Utbetringa skjer i samarbeid med Bømlo Vatn- og Avløpsselskap AS som skal leggje ned ny vass- og avløpsleidning i det nye fortauet.
Refusjonstidspunktet for forskotteringa vert fastsett i samband med rulleringa av fylkesvegplanen 2010-2019. Forskotteringa vert tilbakebetalt utan kompensasjon for renter og prisauke. Eventuelle meirkostnader ved prosjektet vert finansiert av Bømlo kommune.
Saka går vidare til fylkesutvalet 21. september. Endeleg vedtak skjer i fylkestinget 10. og 11. oktober.