Det var leiar for Norsk kulturforum sitt fylkeslag i Hordaland, Livelin Remme, som stod for tildelinga av prisen.
Kvam herad er kåra som årets kulturkommune i Hordaland. Ordførar Astrid Farestveit Selsvold (t.h.) og kultursjef Agnar Høyseter tok imot på vegner av kommunen. Prisutdelar var leiar i NOKU-Hordaland, Livelin Remme.
Juryen si grunngjeving:
«Kvam kan syna til stor breidde og gode resultat i kulturengasjementet sitt, og har som mål å vidareutvikla kulturarbeidet i kommunen. Kommunen har ein eigen tilsett på museumsfeltet og har teke initiativet til markeringa av Geirr Tveitt og Olav H. Hauge jubileet i 2008. Satsinga på folkebibliotek i Norheimsund 2004, Øystese i 2005 og Ålvik no i 2006, veksten i kulturskulen sin elevmasse, samarbeidsprosjektet ”Kvifor Kvam”, tilskotsordningane til lag og organisasjonar, tilrettelegging for Hardanger kunstskule, Hardingtonar, Hardanger fartøyvernsenter, nystarta ungdomsbase i 2005, Hordaland fylkeskommune sin tusenårsstad Kunsthuset Kabuso, Strandebarm idrettspark, kunstgrasbane og planlegging av eit nytt regionalt kulturhus er alle element som synleggjer at kommunen har vilje og evne til gjennomføring av tiltak og ein medveten tanke om det offentlege sitt ansvar for initiering og tilrettelegging av tiltak slik at folk skal kunne delta i ulike kulturelle aktivitetar.»
Juryen
Juryen har hatt fylkesordførar Torill Selsvold Nyborg, leiar av KS Hordaland Magne Rommetveit, leiar i Norsk Kulturforum-Hordaland, Livelin Remme og fylkeskultursjef Ingebjørg E. Astrup som medlemer.
Tidlegare vinnarar
Tidlegare har Kvinnerad, Sveio, Bømlo, Fusa, Bergen, Odda og Radøy vorte kåra til kulturkommunar i Hordaland.