50 søknader
Verdiskapingsprogrammet for kulturminne er ei av hovudsatsingane i Regjeringa sin kulturminnepolitikk. I søknadsbunken til Riksantikvaren låg det 50 søknader om å få pilotstatus.
Riksantikvaren har no valt ut sju prosjekt, og tidlegare i år valde han ut tre prosjekt.
Verdiskaping
Målet med verdiskapingsprogrammet er at vern av kulturminne skal gje grunnlag for utvikling av attraktive lokalsamfunn og næringsliv.
– Ved å ta i bruk kulturminna, får lokalsamfunna vekstvilkår når det gjeld reiseliv, handverk, byggjenæringa, næringsmiddelindustri og andre delar av kulturlivet. – Vi vil få sjå ein langt betre og meir bærekraftig bruk av kulturminna som resultat av satsinga, sier miljøvernminister Helen Bjørnøy.
18 mill. kr
Miljøverndepartementet har løyvd 9 mill. kr til verdiskapingsprogrammet for neste år. I tillegg vil 9 mill. kr verta løyvd over Kulturminnefondets budsjett. Ved tildelinga av pilotprosjekt er det ein føresetnad at det vert utløyst midlar lokalt.
Spleiselag
– Spleiselag og synergieffektar er ein heilt sentral føresetnad i verdiskapingsprogrammet. Vi legg til rette for at det vert eit godt samarbeid mellom privat, offentleg og frivilleg sektor, seier Bjørnøy.
Fjell festning - ein del av prosjektet «Perler i Nordsjøløypa».
«Hordalandsprosjekta»
Hordaland er det fylket som får tildelt flest prosjekt.
"Perler i Nordsjøløypa", er det Fjell, Sund og Øygarden kommunar som har søkt om. "Ka e' det med Odda" (Odda – industrisamfunn i omstilling) har Odda kommune som søkjar.
I tillegg er Hordaland involvert i to andre prosjekt: "Verdiskapings- og visningssentra i kyst-Noreg", søkjar Varemerkeforeninga for Norsk Tradisjonsfisk – der det er inkludert ein aktør frå Hordaland, nemleg Anthonisen Seafood saman med Fiskerimuseet i Sandviken (Museum Vest).
Så er Hordaland også involvert i Sogn og Fjordane/Aurland kommune sin søknad til Nærøyfjorden landskapsvernområde, som mellom anna inkluderer eit landskapsparkprosjekt rundt Stalheim, som ligg i Voss kommune. Dette prosjektet samarbeider også med Slow Food og Norsk Tradisjonsfisk, som Hordaland fylkeskommune har samarbeidstiltak knytt til.
Pluss samarbeid med andre…
Det er elles verdt å merka seg at dei fleste av pilotprosjekta som no vart lanserte, inkluderer tiltak det vil vera naturleg for Hordaland sine prosjekt å ha eit visst samarbeid med. Miljøverndepartementet vil leggje til rette for eit fruktbart nettverk og samarbeid mellom prosjekta som har kystkultur som ein fellesnemnar, seier fung. leiar ved Kulturlandskapssenteret, Berit Vetlejord.
Meir om enkeltprosjekta:
Perler i Nordsjøløypa
Odda – industrisamfunn i omstilling
Norsk Tradisjonsfisk
Nærøyfjorden verdsarvpark
Pressemelding frå Miljøverndepartementet
Riksantikvaren si oversikt