Energiforum EF inviterer til temamøte om kraftsituasjonen i Hordaland. Det skjer onsdag 15. november klokka 18.00 i Kongesalen til Radisson Sas Royal Hotel på Bryggen i Bergen. På møtet blir det stilt spørsmål om vi går mot ei kraftkrise.
På temamøtet blir det føredrag etterfølgt av paneldebatt. Det er fri adgang.
Dei som skal halde føredrag er strategi- og næringsdirektør Jan-Per Styve i Hordaland fylkeskommune, konserndirektør Øivind Rue i Statnett, rådgjevar Thor Andre Berg i BKK og spesialkonsulent Geir Øyvind Berg i Statoil.
I panelet er innleiarane med pluss fylkesordførar Torill Selsvold Nyborg, seniorforskar Balbir Singh i SNF, regiondirektør Tom Knudsen i NHO og nestleiar Sigbjørn Grønås i Naturvernforbundet i Hordaland.
Det blir spørsmål, kommentarar og debatt om vi går mot ei kraftkrise. Harald Schjelderup, prosjektleiar i Bergensscenarier 2020, skal halde styr på debatten.
Alle er velkomne.