Hordaland fylkesutval har møte på Voss 22.-23. november. Årsbudsjett 2007 og økonomiplan 2007-2010 er den viktigaste saka på møtet som vert halda på Park Hotell Vossevangen med start onsdag 22. november kl. 13.00.
Program for møtet
Onsdag 22. november:
Kl. 13.00-15.30: Årsbudsjett 2006 – Økonomiplan 2006-2009 - Orientering og drøfting
Kl. 15.30-16.00: Kaffipause
Kl. 16.00-17.30: Gruppemøte
Torsdag 23. november:
Kl. 09.00-11.00: Budsjett/sakshandsaming
Kl. 11.00-11.30: Kaffipause
Kl. 11.30-12.30: Budsjett/sakshandsaming
Kl. 12.30-13.30: Lunsj
Kl. 13.30- Sakshandsaminga held evt. fram
Ca. 30 saker
Om lag tretti saker står på saklista til dette møtet i fylkesutvalet.
Mellom sakene er kommuneplan for Austrheim, tilskot til bokprosjektet om Folgefonna nasjonalpark – «Folgefonna og fjordbygdene», fråsegn om forslaget til faglege retningsliner for utarbeiding av fylkesvise planar for småkraftverk . Fordeling av midlar til enøk- og inneklimatiltak står på saklista.
Skulenamn
Fylkesutvalet skal fastsetja namn på fire skular. Det gjeld dei samanslegne skulane i Arna og på Stord, og i tillegg skal Stend jorbruksskule og Bergen maritime videregående skole få nye namn.
Samferdselssaker
Ei rekkje samferdselssaker står på programmet. Det gjeld m.a. Nasjonal transportplan 2010-2019, utvikling av transportstamnettet, søknad om fornya løyve til snøggbåtrutestopp på Vardetangen og Lygra, godkjenning av fylkesdelplan med konsekvensutgreiing for rv 13 Vikafjellet, planprogram for kommunedelplan m/konsekvensutgreiing for E134 - Haukelivegen- Vågslid i Vinje kommune - Grostøl i Odda kommune.
Her finn saksdokumenta ved først å velja fylkesutvalet i menyen til venstre og deretter fylkesutval 22.11.06