Påplussingane vert finansierte med 24,7 mill. kr i udisponert rammetilskot frå staten og ved å redusera bruken av driftsmidlar til investeringar med 31 mill. kr.
Arbeiderpartiet, Sosialistisk venstreparti, Senterpartiet og Venstre fremja eigne forslag til budsjett. I fylkesutvalet vart alle dei framsette forslag røysta over som pakker og fekk i hovudsak berre røystene til forslagsstillarane.
Tilrådde endringar
Fylkestinget skal handsama og vedta budsjettet på møte i Bergen 12.-13. desember.
Det tilrådde forslaget frå fleirtalskoalisjonen (H, Frp, KrF, uavh.), omfattar følgjande endringar i høve til fylkesrådmannen sitt forslag:
Opplæring
Påplussinga til opplæring omfattar 10 mill. kr til å styrkja IKT-kompetansen til lærarane, tilrettelegging av IT-infrastruktur på skulane og subsidiar til kjøp av elev-Pcar. Satsinga på fornying av anna undervisningsutstyr vert ført vidare med ei påplussing på 10 mill. kr.
3 mill. kr vert sett av til å auka rammetimetalet, for å sikra eit breitt fagtilbod ved dei vidaregåande skulane, ved innføringa av «Kunnskapsløftet». Det vert løyvd 1 mill. kr meir til å byggja opp skulebiblioteka, m.a. for å gje ansvarlege auka kompetanse i moderne bibliotekdrift.
Andre postar som vert styrkte er: 300 000 kr meir til fagopplæring, 250 000 kr til lærarevluering og 250 000 kr til leksehjelp.
Samferdsel
For å redusera prisen på ungdomskort til 295 kr frå 1.8.2007 vert det løyvd 3 mill. kr.
For halda fram satsinga på nyasfaltering av fylkesvegane, og få nytt dekke på 80 km neste år, vert budsjettet påplussa 10 mill. kr.
Til utbetring av delar av fylkesveg 83 på Reksteren går fylkesutvalet inn for å løyva 3 mill.kr.
Løyvinga til trafikksikringstiltak vert auka med 1 mill. kr og løyvinga til transportordninga for funksjonshemma vert styrkt med 2 mill. kr. Løyvinga til nattbussordninga for ungdom i distrikta, «Trygt heim for ein 50-lapp», vert auka med 200 000 kr.
Kultur
Løyvinga til kultur og andre oppgåver innan ansvarsfeltet til kultur- og ressursutvalet vert påplussa 5,3 mill. kr.
Påplussingane omfattar: Agatunet – Brannsikring 250 000 kr, Griegjubileèt 500 000 kr, Vest Noregs Jazz 200 000 kr, Lost Weekend 200 000 kr, Hardanger musikk 150 000 kr, Bevaringstenesta Salhus 500 000 kr, North Sea Trail 150 000 kr, Oselvarverkstaden 320 000 kr, Idrett og friluftsliv 500 000 kr, "Vern og vøling" – tilskotsmidlar 430 000 kr, Vestkystparken 500 000 kr, Sjømanskyrkja i Cardiff 100 000 kr, Fjelberg prestegard 125 000 kr, Brannmuseum i Bergen 200 000 kr, Styrking av komponistheimane 500 000 kr, "Valenfestival" i Sveio 250 000 kr, Kirkens SOS 25 000 kr. Til disposisjon for kultur- og ressursutvalet 400 000 kr.
Regional utvikling
Til tiltak innan regional utvikling vert budsjettet påplussa 6,4 mill. kr.
Løyvinga til regionale fyrtårnprosjekt vert auka med 5,0 mill. kr for å stimulera til vidare vekst og utvikling i Hordaland. Det vert vidare auke til desse postane: Generelle tiltak innan folkehelse 200 000 kr, universell utforming auke 250 000 kr, satsing på ungt entreprenørskap 200 000 kr, prosjekt og utgreiing av eit meir miljøvenleg Hordaland 250 000 kr, samarbeid mellom skule og næringsliv 500 000 kr.
Finansiering
Påplussingane vert finansierte med 24,7 mill. kr i udisponert rammetilskot frå staten og ved å redusera bruken av driftsmidlar til investeringar med 31 mill. kr. Ved disponering av venta overskot i 2006 for fylkeskommunen skal tilsvarande sum tilbakeførast til investeringane.
Nasjonalt anlegg for symjing
For å medverka til at det nasjonale symjeanlegget i Bergen vert realisert skal Hordaland fylkeskommune gje eit tilskot på 10,0 mill. kr tilrår fylkesutvalet. Denne summen vert det lagt opp til å finansiera ved disponeringa av venta overskot for 2006.
Konsesjonskraftinntekter
I samband med at fylket sine konsesjonskraftinntekter dei siste åra har vist svært stor auke, vert fylkesrådmannen beden om å leggja fram ei sak som vurderer framtidig fordeling av konsesjonskraftinntektene, heiter det i eit eige punkt i samband med budsjettinnstillinga frå fylkesutvalet.
I det tilrådde punktet heiter det vidare: «Det bør vurderast å leggja inn eit kronetak på midlar til Hardangerbrua og Jondalstunellen i det enkelte år. Dette vil opna opp for midlar til samferdselstiltak m.a. i Nordhordlandsregionen. Koalisjonen vil understreka at Hordaland Fylkeskommune står fast ved dei opprinnelege finansieringsplanane til Hardangerbrua og Jondalstunellen.»
Fellesforslaget frå KrF, H, Frp og Uavh. (pdf)
Andre forslag
Arbeiderpartiet
Arbeiderpartiet føreslår å nytta det udisponerte rammetilskotssummen på 24,2 mill . kr slik: Vidaregåande opplæring 5 mill. kr, næringsretta tiltak 2 mill. kr, kultur 5,0 mill. kr, miljøtiltak 1 mill.kr, styrka kollektivsatsing 6 mill. kr, reversera samanslåing av skulereisekort og ungdomskort 4 mill. kr, 25 000 kr meir til «Heim for ein 50-lapp», helsetiltak 1 mill. kr.
Ut frå at fylkeskommunen ventar overskot på 2006-rekneskapen, vil Arbeiderpartiet nytta 30 mill. kr av overskotet til gratis læremiddel/Pcar i vidaregåande skule, 25 mill. kr til opprusting av fylkesvegane og 10 mill. kr til kultur- og idrettstiltak.
Forslaget fekk Ap sine tre røyster.
Ap sitt forslag omfatta og ei rekkje verbalpunkt. Desse forslaga fekk fire røyster (Ap, Sp).
Forslag frå Arbeiderpartiet (pdf)
Sosialistisk venstreparti
SV føreslår å auka driftsramma med 53 mill. kr i høve til fylkesrådmannen sitt forslag. Endringa omfatta 23 mill. kr meir til vidaregåande opplæring, 0,5 mill. kr meir til tannhelse, 1,1 mill. kr meir til regional utvikling, 22 mill. kr meir til samferdsel og 4,55 mill. kr meir til kultur.
SV føreslår nokre endringa i investeringane og har forslaget omfattar også ei rekkje verbalpunkt.
Forslaga fekk SV sine to røyster.
Forslag frå Sosialistisk venstreparti (pdf)
Venstre
Venstre føreslo påplussingar på 55,7 mill. kr til drifta i høve til fylkesrådmannen sitt forslag, finansiert på same måte som fleirtalskoalisjonen.
Venstre vil fordela påplussingane slik: Samferdsel 19,2 mill. kr, opplæring 24 mill. kr, kultur 6,4 mill. kr og 6,1 mill. kr til regional utvikling m.m.
Forslaget fekk V si røyst.
Forslag frå Venstre (pdf)
Senterpartiet
Senterpartiet fremja to alternative forslag til bruk av det ufordelte rammetilskotet på 24,7 mill. kr. Det ein forslaget var å nytta heile summen på 24,7 mill. kr til berbare elevPcar for vg1 frå hausten 2007.
Det andre forslaget fordelte summen med 10 mill. kr til opplæring, 10 mill. kr til samferdsel og 4,7 mill. kr til kultur m.m.
Forslaget fekk Sp si røyst.
Forslag frå Senterpartiet (pdf)