Totalbudsjett 2007
I det reviderte budsjettgrunnlaget er det rekna med 3 476,9 mill. kr til drift av dei ulike tenesteområda, 163,6 mill. kr til renter og avdrag på lån, 70 mill. kr til Hardangerbrua og 20 mill. kr i avsetjingar. Investeringsbudsjettet for 2007 er på 292,0 mill. kr. Totalbudsjettet for Hordaland fylkeskommune i 2007 vert dermed på i alt 4 022,5 mill. kr.
Diagrammet viser fordelinga av Hordaland fylkeskommune sine driftsutgifter i 2007, etter forslaget frå fylkesrådmannen.
Driftsbudsjett 2007
Driftsbudsjettet fordeler seg slik: Opplæring 2 003,8 mill. kr, samferdsel 618,5 mill. kr, tannhelse 197,7 mill. kr, kultur 189,0 mill. kr, regional utvikling 130,5 mill. kr, politiske organ og administrasjon og fellesfunksjonar 187,7 mill. kr, og lønsavsetjingar 144,6 mill. kr.
Skatteinntekter og rammetilskot er på 3 102 mill. kr.
Prosentvis fordeling av fylkeskommunen sine driftsutgifter i 2007, etter fylkesrådmannen sitt budsjettforslag. Opplæring er den største sektoren og hovudtyngda av lønsavsetjingane går også til denne sektoren som såleis har over 60 % av dei samla driftsmidlane.
Budsjetthandsaming
Fylkesbudsjettet for 2007 går nok til politisk handsaming i dei faste utval og fylkesutvalet før det kjem opp til vedtak i fylkestinget i Bergen 12.-13. desember.
Budsjettet skal handsamast i kultur- og ressursutvalet 7. november, i samferdselsutvalet 7.-8. november og i opplærings- og helseutvalet 14.-15. november. Fylkesutvalet handsamar budsjettet 22.-23. november og gjev då innstilling til fylkestinget.
Sjå også:
Meir til opplæring, samferdsel og regional utvikling
Revidert budsjettgrunnlag frå 1. nov. 2006
Årsbudsjett 2007 og økonomiplan 2007-2010