Nordsjøløypa i Hordaland femner om kystkommunane Fedje, Øygarden, Fjell, Sund, Austevoll, Fitjar, Stord og Sveio og fokuserer på stiar, stader, kulturbasert lokalsamfunnsutvikling og kunnskapsformidling. Totalt inneheld løypesystemet i Hordaland 180 km stiar.
Nordsjøløypa i Hordaland har frå 2003 vore del av Interrreg III B prosjektet NAVE Nortrail, som har med seg 26 partnarar frå Skottland, England, Danmark, Tyskland, Sverige, Nederland og Noreg. Nasjonalt er det fylka Østfold, Vestfold, Vest-Agder, Rogaland, Hordaland, Sogn og Fjordane og Møre og Romsdal som er med. Samla sett er det tilrettelagd over 5000 km med løypetraséar.
Som Interreg – prosjekt vert Nordsjøløypa avslutta pr. 31.12.2006. Både regionalt og som interregionalt prosjekt, er det gode grunnar for å sikre kontinuitet når det gjeld vidareføringa av Nordsjøløypa.
Les om Nordsjøløypa her