biblioteket, idrettshallen og felles læringsareal, her brukar elevane fritid og her vert gruppearbeid o.l. utført.
I dette arealet er det også avsett plass til eksterne instansar som universitetet, høgskular, kommune, politi, næringsliv, aetat osv. der dei får ein møtearena med skulen og kan knyta relasjonar. Det er vidare eit mål at skulen skal vere open også etter ordinær skuletid. Det er eit overordna krav i programmet at den nye skulen vert etablert med fysiske rammer som er eigna til å møte stadige endringar i studietilbodet, elevtal, pedagogisk metodikk og fagleg innhald. Ved utforming av skulen skal ein innanfor dei rammer som er definert i funksjonsprogrammet, finne fram til gode arkitektoniske, funksjonelle og teknisk/økonomiske løysingar som sikrar godt arbeidsmiljø og støttar opp under bruksfunksjonane. Sørås vidaregåande skule skal framstå som eit bygg med særpreg og eigenidentitet, og med arkitektoniske og funksjonelle kvalitetar som uttrykkjer eit medvite forhold til funksjonsinnhald og omgjevnader. Arkitektkonkurranse
Fylkeskommunen inviterte sju firma til å delta i arkitektkonkurranse for Sørås videregående skole. Det kom inn seks forslag, eitt firma melde frå om at dei ikkje leverer forslag. Desse seks forslaga kom inn:
Cote
C&:-)Z
Læringslandskap
Notitia Kunnskap er konge
Tett brygg
Zorro Etter ei første vurdering vart dei tre utkasta Cote, Læringslandskap og Zorro valde ut for å gå vidare til den endelege kåringa. Vurderingskriterium
Ved vurdering av utkasta er det lagt vekt på følgjande: · Planfaglig løysning for heile tomten. Inkludert i dette er også forhold til omgjevnadene, landskapsarkitektur og terrengutforming.
· Fleksibilitet og arealeffektivitet.
· Universell utforming.
· Arkitektur: form, funksjon, teknikk, totalgrep, logistikk, intern kommunikasjon, miljømessige forhold, og eventuelle tekniske løysingar.
· Utnytting, volumutnytting, materialar og overflater.
· Tilrettelegging for framtidig drift og vedlikehald.
· Økonomi og kostnadsoverslag.
· Landskapsarkitektur og terrengutforming. Vinnarutkastet – COTE
I omtalen av vinnarutkastet COTE seier juryen at bygningen er plassert slik på tomta at skulen får eit oversiktleg og skjerma uteområde og ein klart definert inngang i bygningen sitt sentrum. Prosjektet utmerkar seg ved å ha dei beste løysingane for utearealet, inkludert tilkomsten. Likevel meiner juryen at plasseringa må justerast for å kome lenger vekk frå bygningar mot aust og for å få trafikkareal på nordaustsida. Den bygningsmessige fleksibilitet er greitt ivareteken. Juryen meiner romfunksjonane i første etasje må gjennomgåast, men at prosjektet elles er tru mot romprogrammet. Prosjektet er godt løyst når det gjeld universell utforming. Bygget er oversiktelig og lett å orientere seg i. Her er det ingen overraskingar, det ein er på jakt etter er der ein ventar å finne det. Stor kunnskap om «skuledrift»
Juryen seier at prosjektet er godt presentert og viser stor kunnskap om «skuledrift». Bygget har fått eit tiltalande uttrykk med stort arkitektonisk potensial, der to klare bygningsvolum er samanstilte, og i koplingspunktet finn ein hovudinngangen og storstova. Inngangspartiet omkransa av den store glasfasaden og idrettshallen gir inntrykk av å kome til eit ope hus.
Prosjektet har ein struktur som tek utgangspunkt i avdelingsskulen, likevel er løysinga fleksibel og tillet god flyt og kontakt mellom undervisningsareala, både vertikalt og horisontalt.
Amfiet er ei vidareføring av terrengfallet på utsida, der ein aktivt har drege kotane/terrenget inn i det sentrale rommet, og slik får eit «naturleg» amfi.
Sentralrommet er godt dimensjonert i høve til funksjonen storstove og samfunnshus. Her ligg dei viktige funksjonane godt integrert i forhold til sentralrommet. Ein kan opne inn til idrettshallen og ved å plassere scenen i opninga, får ein større fleksibilitet ved at denne kan vendast anten mot idrettshallen eller mot kantinearealet/storstove. Store glasfasadar utfordrar
Dei forholdsvis store glasfasadane som er medverkande til å gje skulen det opne og venlege arkitektoniske uttrykket, vil verta ei utfortring når det gjeld problemstillinga rundt kontroll av lysinnslepp og varmetap. Detaljplanlegging
Detaljplanlegginga av det nye skulebygget vil no starta og eit endeleg forprosjekt skal utarbeidast. Dette vil verta politiske handsama mot slutten av 2006, truleg i fylkestinget i desember. Link Arkitekter AS
LINK Arkitekter AS er mellom dei leiande arkitektkontora i Noreg og har kontor i Oslo, Bergen og Stord. Kontoret har i dag til saman ca. 60 medarbeidarar, fordelt på ei rekkje faggrupper innan alle typar arkitekturprosjektering. Ved kontoret i Bergen er det 17 tilsette og ved Stord-kontoret 11. Jury
Helge Haavardtun - Eigedomssjef - Hordaland fylkeskommune
Svein-Erik Fjeld - Opplæringsdirektør - Hordaland fylkeskommune
Anne-Helene Skogland - Avdelingsleiar - Årstad videregående skole
Per Haukeli - Spesialrådgiver - Hordaland fylkeskommune
Mette Melandsø - Arkitekt - Pir 2 – Trondheim
Per Højgaard Nielsen - Arkitekt - HLM – Bergen
Roald Landøy - Arkitekt - Hordaland fylkeskommune. Sekretær for juryen. |