Skulesaker
På sakslista står tre saker om skulebygg. Det gjeld tilbygg ved Åsane gymnas og Knarvik vidaregåande skule og nybygg for Osterøy vidaregåande skule.
Saka om restrukturering av vidaregåande skular, som omfattar samanslåing av skular i Arna og på Stord, skal opp til avgjerd. Det same skal sak om tiltaksplan i 2006 i samband med «Kunnskapsløftet», og strategiplan for fagskulane i Hordaland.
Samferdselssaker
Fylkesvegplanen 2006-2015 skal handsamast. Tilleggsløyving til ny bru på fylkesvegen til Djønno i Ullensvang skal avgjerast. Saka om Jondalstunnelen kjem opp på nytt for å vurdera traseval og auka kostnadsramme. Ei fjerde samferdselssak er søknad om forskottering av utbetring på fylkesvegen mellom Spildepollen og Telavåg i Sund kommune.
Ymse saker
Andre saker som kjem opp, er: Årsmelding frå klagenemnda 2005, sal av eigedomane Mobergslien og Strandbarm husmorskule, kjøp av Strandgaten 195 til Bjørgvin videregående skole, nokre val til styrerepresentasjon, val av saksordførar for revisjon av fylkesdelplan for bibliotek, og sak om interkontroll løn.
Ekstra fylkesutvalsmøte
Måndag 13. mars kl. 13.00 vert ekstramøte i fylkesutvalet for å gje innstilling i fire saker som skal opp på fylkestinget dagen etter. Dette møtet vert halde i Fylkeshuset i Agnes Mowinckelsgate 5.
Sakene som skal opp her er: sal av eigedomane Mobergslien og Strandbarm husmorskule, Bergen vitensenter – endra styrerepresentasjon, Jondalstunnelen og søknad om forskottering av utbetring på fylkesvegen mellom Spildepollen og Telavåg i Sund kommune.
Saksdokument
Saksdokument til fylkesutvalet 13. mars, fylketinget 14. mars og andre politiske møte finst under "politiske saker" med adresse http://polsak.ivest.no/