Fylkesordførar Torill Selsvold Nyborg tek opp med olje- og energiministeren den alvorlege situasjonen nedlegging av Elkem Bjølvefossen vil føra til for Ålvik-samfunnet. Fylkesordføraren ber statsråden om eit snarleg møte for å informera om og drøfta situa
«Nedlegginga av denne hjørnesteinsverksemda i Hardanger, der vi frå før slit med å oppretthalda folketal og arbeidsplassar, vil få svært alvorlege konsekvensar. I særleg grad gjeld det Ålvik-samfunnet og Kvam herad, men det er også eit hardt slag for Hardanger og den generelle utviklinga av fylket vårt,» seier fylkesordføraren i brevet til olje- og energiministeren.
I brevet påpeikar fylkesordføraren at Elkem si grunngjeving for nedlegging og utflagging til Island er sterk kostnadsauke fordi langsiktige avtalar om rimeleg kraft går ut og ikkje vert fornya.