Fylkesutvalet rår samrøystes fylkestinget til å godkjenna at kostnadsramma for Tusenårsstaden i Hordaland vert auka til 41 mill. kr og at det vert gjeve ei tilleggsløyving på 6 mill. kr. Fylkestinget avgjer saka på møte 13.-14. juni.
Prosjektprognosen for Tusenårsstaden syner ein kostnad på 6 mill. kr meir enn det som fylkestinget vedtok i 2004. Meirkostnaden fordeler seg med 3 mill. kr på arbeid som alt er utført i samband med inngåtte kontraktar, 2 mill. kr for totalkostnad med utomhusanlegg og 1 mill. kr for nødvendige og ynskjelege oppgraderingar.
Fylkesutvalet ber om at det vert teke initiativ til samtalar med aktuelle sponsorar med sikte på å finansiera delar av kostnadene. (Tilrådd med 8 (H, Krf, Frp) mot 7 (Ap, SV, Sp, V) røyster.
Realisering av utearealet skal prioriterast, heiter det i fylkesutvalet sit tilråding.