Fylkestinget føreset at det vert teke initiativ til informasjon til lokalmiljøet, leigetakarar, idrettslag m. fl. for å finna gode løysingar.
Torstein Dahle (RV) føreslo at fylkeskommunen skulle søkja å få endra leigeavtalen med Kriminalomsorga region vest for at psykisk utviklingshemma og brukarar frå bydelen framleis skal ha brukstilgang til basseng og gymnastikksal. Forslaget fekk 8 røyster (RV, SV) og fall.
Fylkesrådmannen opplyste at Sofus barnehage får tilbod om nye lokale i bygningane til Norsk lærarakademi, og at fylkeskommunen har sagt seg villig til å hjelpa til i denne samanheng.
Utleigeavtalen gjev fylkeskommunen årlege leigeinntekter på ca. 4,5 mill. kr og i tillegg sparar avtalen fylkeskommunen for ca. 1,5 mill. kr i årlege utgifter. Det sistnemnde er utgifter fylkeskommunen har i dag med bygningsareal som ikkje er i bruk.
Då det er behov for fleire soningsplassar ved Bergen fengsel. Kriminalomsorga ser på eigedomen som eigna til fengselsføremål og det vart i revidert nasjonalbudsjett føreslått auka løyvingar i samband med planar om å etablera fengsel i Vestlandsheimen. Bygningsmassen er tenkt etablert som eit mellombels fengsel med om lag 90 plassar for å redusera soningskøen i Kriminalomsorgen region vest og det er i første omgang snakk om ei leigetid på 3 år.
Storparten av bygningane ved tidl. Vestlandsheimen står i dag tomme. Tannlegekontoret i Olav Bjordals vei 3 er einaste form for fylkeskommunal tenesteyting på den tidlegare institusjonseigedomen.
Leigeavtalen omfattar i alt 5 bygg med tilhøyrande tomteareal. Det største av desse bygga har eit totalareal på om lag 2500m2, 500m2 av dette er leigd ut til Bergen kommune, men leigeavtalen er no sagt opp. To av bygga med totalt bruksareal på om lag 3500 m2 vart inntil i fjor haust leigd ut som asylmottak men står i dag tomme. Avtalen omfattar eit idrettsbygg med basseng, samt eit bygg som er reinska innvendig slik at det berre er betongdekke og betongveggar att.