200 000 kr i tilskot frå Hordaland fylkeskommune skal vera med på å gje drahjelp til «Bluesbygda Skånevik». Dette prosjektet i Etne er eitt av sju som får tilskot frå fylkeskommunen sitt nyoppretta «Program for lokalsamfunnsutvikling 2006». Fylkesutvalet
Dei andre prosjekta som får tilskot er:
Strandebarm idrettspark – forprosjekt kr 500.000
Kystlandsbyen Breidvik i Austrheim kr 550.000
Barnetråkk i Kvinnherad kr 150.000
Samfunnsanalyse Fedje kr 150.000
Energi i kommuneplanen på Askøy kr 100.000
Analyse av bustadspørsmål i Samnanger kr 150.000
Det kom inn 19 søknader til den nye tilskotsordninga. Ordninga skal medverka til å utvikla lokalsamfunn. Målet er å byggja opp under lokalt engasjement og få gjennomført tiltak som gjer lokalsamfunna meir attraktive både for privatpersonar og næringsliv slik at den regionale utviklinga vert styrkt. Samtidig kan det gjevast mindre tilskot for å stimulera kommuneplanarbeidet i kommunane.
«Bluesbygda Skånevik»
Folketalet i Skånevik har gått ned med 6,5% sidan 1999. Bluesfestivalen feirar 10-års jubileum og gjev inspirasjon til at bygdefolket og næringsaktørane vil ta tak og bli ei tilflyttingsbygd.
Innhaldet i prosjektet er utvikling av eksisterande bedrifter, fellestiltak av ulikt slag og etablering av nye bedrifter, alt for å gjere Skånevik til ein plass der det er godt å bu og leve. Dei lokale aktørane vil styrke servicetilbodet og det eksisterande lag og organisasjonslivet, med bluesen som nerve i utviklinga.
Kommunal- og regionaldepartementet ser småsamfunnssatsinga som ein partnarskap mellom departementet, fylkeskommune og kommune og har løyvd kr 700 000 til Bluesbygda Skånevik.