Kultur- og ressursutvalet i Hordaland har vedteke å dele ut om lag 63 millionar kroner til idrettsanlegg i fylket. 29 millionar går til anlegg som tidlegare har fått stønad, 25 millionar til nye søkjarar og 8 millionar til nærmiljøanlegg.
I alt fekk Hordaland fylkeskommune inn 318 søknader med ein samla søknadssum på 312 millionar kroner. Pengane fylkeskommunen delar ut, er spelemidlar som er avsett anlegg for idrett og fysisk aktivitet. Mellom anna går det fire millionar kroner til idrettshallen på Flaktveit, 2,1 millionar til volleyballhall på Krokeide, 1,7 millionar til utandørs symjeanlegg på Voss, 1,5 millionar til kunstgrassbane på Lyngbø, 98.000 kroner til flytebrygge i samband med sjøsportanlegg på Kalandsvatnet og millionsummar til golfanlegg i Fana, Stord og Sveio. Mange ballbinger og ballbaner i fylket har fått 200.000 kroner i tilskot.
For neste år har kultur- og ressursutvalet vedteke å prioritere friluftsanlegg.
Desse får tilskot (pdf-fil)