Utvidinga av Haukelitunnelane må skje så fort som mogeleg, seier fungerande fylkesordførar i Hordaland, Tom-Christer Nilsen. Arbeidet skulle starte 31. juli, men det er berre komme inn eitt anbod som er 150 millionar kroner dyrare enn kalkulert.
Skapar problem
Det dyre anbodet skapar problem for finansieringa av arbeidet. Statens vegvesen fryktar at utbetringa kan bli utsett og at saka mogeleg må attende til Stortinget.
Arbeidet må start som planlagt
Nilsen ønskjer inga utsetjing, men at arbeidet startar som planlagt.
– Sambandet mellom Sunnhordland, Oddaområdet, Haugalandet, Haugesund og Oslo må bli betre. Vi må få skikkeleg stamveg så fort som mogeleg.
Høgde på 4,2 meter
Det er tre tunnelar på Haukelivegen som skal få større høgde. Røldalstunnelen, Svandalsflonatunnelen og Haukelitunnelen skal alle utvidast til ei høgde på 4,2 meter.