Hordalandsdeltakarane
Dei seks ungdomane frå Hordaland som reiser til Kaunas er: Helene Brokstad Lund-Johansen og Ida Electra Dahl frå Bergen, Jeanette Selstø frå Knarrevik på Sotra, Matias Sunde Larvik frå Ask og søskena Dagny og Håkon Moland Sæbø frå Øvre Eidfjord.
Leiarar er Astrid Haugland og Kjersti Haugland.
Klar for ei vekes samling i Kaunas. Frå venstre: Kjersti Haugland og Astrid Haugland (leiarar), Ida Electra Dahl, Jeanette Selstø, Håkon Moland Sæbø og Matias Sunde Larvik. I tillegg deltek Dagny Moland Sæbø og Helene Brokstad Lund-Johansen. (Foto: Stanley Hauge.)
Program
Samlinga er organisert av Kaunas. På programmet står diskusjonsgrupper, mini-Olympiske leikar, ekskursjonar mellom anna til det litauiske parlamentet og kvar gruppe får sin kveld til å presentera sitt eige land, kultur og mattradisjonar.
Med forventingDei fleste av gruppedeltakarane frå Hordaland var samla i Fylkeshuset i Bergen tysdag 25. juli til ein gjennomgang av opplegget. Gruppa, med aktive medlemer i kultur og idrett, ser med spenning og forventing fram til samlinga.
Håkon Moland Sæbø frå Øvre Eidfjord håpar han får høve til å prøva seg i favorittidretten volleyball.
«Ung i Europa»
Deltakarane frå Hordaland er plukka ut av Europakontoret i fylkeskommunen. Gjennom «UNG i Europa-programmet »vert største parten av utgiftene dekka av EU.
40 deltakarar frå Litauen, Noreg, Belga, Tsjekkia og Tyskland skal delta på samlinga som varer i ei veke.