Fylkesordførar Torill Selsvold Nyborg skal 14. februar i møte med Fiskeri- og kystdepartementet om kvikksølvlasta i ubåten U-864. Møtet har kome i stand etter initiativ frå fylkeskommunen i fjor haust.
Kystdirektoratet gjorde det nyleg kjent at dei legg opp til nye undersøkingar i år med sikte på å setja i verk opprydjingstiltak i 2007.
Fylkesutvalet i Hordaland vedtok 26. januar ei fråsegn der dei ber om at Fiskeri- og kystdepartementet straks vurderer situasjonen med sikte på å forsera arbeidet med å fjerna kvikksølvet i ubåtvraket. Alt kvikksølvet må bort frå havbotnen – raskt, og for alltid! Heiter det i fråsegna.
— I møtet 14. februar vil eg sterkt understreka kor viktig det er å handla snarast for å unngå omfattande kvikksølvureining, slik fylkesutvalet seier klårt frå om i fråsegna, seier fylkesordførar Selsvold Nyborg.
Fråsegn fylkesutvalet 26. januar 2006.