Hordaland fylkesutval har løyvd 600 000 kr i tilskot til Hardanger industripark AS til forprosjekt om produksjon av flaskevatn i Ullensvang.
Hardanger Industripark AS er eit selskap under stifting som har som føremål å leggja til rette, vidareutvikla og driva Hardanger Industripark på Hovland i Ullensvang. Bakgrunnen for dette selskapet er Nordic Ice Water Company AS sine planar om produksjon av flaskevatn ved Hovland fabrikkar i Ullensvang. På dette området har det tidlegare vore ullvarefabrikk, og etter dette Hardanger bryggeri som produserte øl.
Nye arbeidsplassar
Ei investering vil etter det vi får opplyst kunne gje 20-25 nye arbeidsplassar på Hovland. I tillegg kjem indirekte verknader i form av andre etableringar/leverandørar. All flaskevatn er tenkt eksportert, heiter det i saksutgreiinga.
Grunna behovet for arbeidsplassar i området, hadde fylkesrådmannen rådd til å støtta søknaden med kr 600 000.
Pressemelding om andre vedtak i fylkesutvalet