16. og 17. januar samlast 120 politikarar, forvaltarar, forskarar og organisasjonsfolk i Bergen for å diskutera EU sin maritime politikk sett frå regionane sin ståstad. Fylkesordførar Torill Selsvold Nyborg opnar den internasjonale konferansen kl. 10.00
Europe of the Sea
Møtet er ein del av prosjektet Europe of the Sea som er etablert for å følgja EU sitt arbeid med ei grønbok om europeisk maritim politikk.
Føremålet med konferansen er å styrkja dialogen om den europeiske maritime politikken. Temaa er knytte til forsking, utvikling og innovasjon i Nordsjøen, Det baltiske hav, Norskehavet og Barentshavet.
Fiskeri- og kystminister Pedersen
Under opninga av konferansen innleier blant andre John B. Richardson, leiar av EU- kommisjonen si spesialgruppe for maritim politikk. Det er første gong Richardson er i Noreg som leiar av denne gruppa. Fiskeri- og kystminister Helga Pedersen innleier om det norske perspektivet på denne prosessen.
Lokalt og regionalt
Den maritime dimensjonen i EU sitt 7. rammeprogram er også tema under opninga saman med lokale og regionale styresmakter si rolle.
Hotell Admiral
Konferansen føregår på Hotell Admiral og opnar måndag 16. januar. Arrangør er CPMR North Sea Commission i samarbeid med Kommunal- og regionaldepartementet, Rogaland fylkeskommune, CPMR Baltic Sea Commission og Havforskningsinstituttet.
Heile programmet
Internettlenkjer:
Les meir om konferansen
www.europeofthesea.org