Fylkesrådmannen i Hordaland går inn for å bruke belønningsordning for å minke bilbruken i Bergensområdet. Det skal skje gjennom styrking av kollektivtilbodet Knarvik-Bergen og Straume-Bergen, utvida bruk av direktebuss, takstfrys og ein del infrastrukturt
Bakgrunnen er at Stortinget har løyvt 150 millionar kroner til belønning for betre kollektivtransport og mindre bilbruk i storbyområde. Samferdselsdepartementet har bede Hordaland fylkeskommune og Bergen kommune i samarbeid om å sende lokal søknad.
Fylkesrådmannen går inn for at Hordaland fylkeskommune skal søkje om 11,7 mill. kroner til i alt åtte tiltak. Fylkesrådmannen understrekar betydning av at fylkeskommunen får tildelt dei omsøkte midlane.
- Midlane er særskilt viktige i år med den sterke satsinga på positive tiltak for styrking av kollektivtrafikken ved nedbetalte bruer grunna ei forventa sterk auke i privatbilbruken inn mot Bergensområdet, skriv fylkesrådmannen i tilrådinga til samferdselsutvalet som skal handsame saka onsdag 18. januar.
Prioriterte tiltak i Hordaland fylkeskommune:
Prioritet | Skildring av tiltak | Sum | |
1 | Frekvensruter (Knarvik og Straume) | 2 500 000 | kr |
2 | Miljøkortet over Nordhordlandsbrua | 1 500 000 | kr |
3 | Direkte bussar N-hordland - Bergen (auka tilbod) | 1 200 000 | kr |
4 | Informasjons- og pr-kampanje "Styrking av koll.trafikken" | 400 000 | kr |
5 | Klauvaneset (forbetring av kollektivknutepunkt) | 1 500 000 | kr |
6 | Storavatnet (forbetring av kollektivknutepunkt) | 50 000 | kr |
7 | Knarrevik (forbetring av kollektivknutepunkt) | 1 000 000 | kr |
8 | Takstfrys kollektivsatsar Hordaland | 3 500 000 | kr |
Total sum det vert søkt om: | 11 650 000 | kr |
Endeleg vedtak skjer i fylkesutvalet torsdag 26. januar.
Les heile innstillinga og dei andre sakene til samferdselsutvalet. (klikk på "samferdselsutvalet" i menyen til venstre i sida som kjem opp)