I desember 2005, den siste månaden med bompengar over Nordhordlandsbrua, auka trafikken med 5,7 prosent i høve til same månad året før. Totalt passerte 290.169 køyretøy i desember. Det er 9.360 i gjennomsnitt pr. døgn.
Personbilar utgjorde meir enn 90 prosent av trafikken gjennom bompengeringen på Nordhordlandsbrua.(foto: Stanley Hauge)
For heile 2005 var trafikken på vel 3,6 millionar køyretøy eller 9.947 i gjennomsnitt pr. døgn. Sidan brua opna i september 1994 har meir enn 33 millionar køyretøy passert brua.
Av dette har det aller meste, 91,4 prosent vore bilar under seks meter, 5,2 prosent større bilar, ein prosent motorsyklar, 1,6 prosent bussar og 0,8 prosent ambulansar etc. Bruken av klippekort og dermed 40 prosent rabatt auka frå 60,8 prosent i 1995 til 65.9 prosent i 2004. Tal større bilar har dermed gått ned frå 5,8 prosent i 1995 til 4,8 prosent i 2004.