Vann 5000 kroner for design av katalogen til vidaregåande skular

Overraska
- Eg er overraska over at eg vann, og hadde eigentleg gløymt heile konkurransen. Men pengane kjem godt med når eg skal ta sertifikatet. Eg fyller 18 i mars, seier Hedvig som har brukt tema om dei mange ulike vegane dei unge kan velje mellom når dei skal gå vidare i livet.

Sjekk
Inntaksleiar Nils Skavhellen i Hordaland fylkeskommune og Jo Gjerstad i Bodoni Hus som trykker søkjarkatalogen i 33.000 eksemplar overrekte sjekken på 5000 kroner under ei tilstelling på skulen i

Hedvig Elisabeth Andersland med sjekken på 5000 kroner og dei to vinnarutkasta til søkjar- og inntakskatalogane.

Sund. Klassen og leiinga ved skulen deltok under overrekkinga.

Stolt
- Eg er stolt av Hedvig. Ho er svært dyktig. Det er ikkje utan grunn at ho vinn denne konkurransen, seier faglærar Grete Hagenes.
- Søkjarkatalogen går til 25.000 elevar. Mange kjem til å leggje merke til omslaget. Hedvig sende inn to forslag og vi vil bruke det eine på søkjarkatalogen og det andre på inntakskatalogen som kjem ut i byrjinga av juni. Inntakskatalogen går til alle som har søkt plass i den vidaregåande skulen i Hordaland, seier inntaksleiar Nils Skavhellen som håpar at markeringa av vinnaren og premieringa inspirerer til deltakinga i konkurransen om katalogane enste år. I september blir konkurransen lyst ut på skulane.

Svært høgt nivå
- Vi har hatt konkurranse i mange år om å teikne forsidene, og nivået er svært høgt, men det er berre jenter som vinn. Eg har arbeidt med grafisk design i ein mannsalder og har sett at jentene er flinkare enn gutane innan design. Hedvig kunne fått jobb hos oss som lærling. Vi har i dag fire lærlingar. Forsidene hennar held svært høgt nivå, seier Jo Gjerstad i Bodoni Hus.

Hedvig Elisabeth Andersland fekk 5000 kroner i premie for design av forsidene til søkjar og inntakskatalogen. Premien vart overrekt av inntaksleiar Nils Skavhellen (t.v.) og Jo Gjerstad i Bodoni Hus. Til venstre ein stolt faglærar Grete Hagenes.