Hordaland fylkesutval er positiv til at Bergen kommune tek initiativ til oppretting av eit regionalt selskap for næringsutvikling: Business Region Bergen.
Det er Bergen kommune som har bede fylkeskommunen uttale seg om byrådets forslag til ”Strategisk næringsplan for Bergen for 2006-2009 – Bergensregionen mot 2020”.
Fylkesutvalet meiner det er positivt at Bergen kommune legg opp til å styrke samarbeidet om næringsutviklinga i Bergensregionen. Det må avklarast nærare korleis samarbeidet mellom det nye selskapet og fylkeskommunen best kan innrettast. Fylkesutvalet vil elles understreka behovet for å vidareføra samarbeidet mellom fylkeskommunen og Bergen kommune i næringsutviklingsarbeidet.
Bjarte Brask Eriksen 27.08.2006 09:00