Kystsogevekene i år vert opna i Fjell, på Fjell festning, laurdag 12. august klokka 12.
I år er Fjell kommune vertskap for opninga.
Sjølve opningshøgtida vil vera på Fjell festning, det sterkaste festningsverket i Nord-Europa under 2. verdskrig. Frå toppen av festningsanlegget får vi vidt utsyn over hav og Fjell. Fylkesmann i Oslo og Akershus Hans J. Røsjorde står for den høgtidelege opninga. Bergen Operakor vil syngja, og kanonbrønnen - ein del av festningsanlegget er ope for publikum.
Stiftinga Kystsogevekene organiserer Kystsogevekene. Stiftinga er ei ikkje næringsdrivande stifting, med føremål å stimulera og verka som pådrivar og fagleg instans for utvikling av kystkulturtilbod og koordinering av årlege kystsogeveker i Hordaland og Gulen.
Kystsogevekene er eit samarbeid mellom 20 kystkommunar i Hordaland og Gulen, Hordaland fylkeskommune og Hordaland Reiseliv.
Sjå heimesida for Kystsogevekene: programmet for opningsdagen, program for Kystsogevekene, informasjon om Stiftinga Kystsogevekene og annan informasjon