Fylkesutvalet i Hordaland har godkjent at Ullensvang herad får løyve til å forskottere 1,6 millionar kroner til gjennomføring av arbeidet med utbyggingsplanen for Nå sentrum.
Ein million kroner skal gå til tilrettelegging av overskotsmassane frå Agaparsellen og 600.000 kroner til kjøp av tre bygningar med grunn.
Fylkesutvalet har vedteke at refusjonstidspunktet blir fastsett i samband med handsaming av handlingsprogrammet for Nasjonal Transportplan for 2010-2019. Forskotteringa blir refundert utan renter og kompensasjon for prisauke.
Fylkesutvalet ser det som uheldig at forskotteringssøknader blir lagt fram for fylkespolitisk handsaming etter at prosjektet er starta opp/fullført og vil be om at fylkesrådmannen i samråd med Statens vegvesen lagar rutinar som sikrar at alle forskotteringssøknader vert lagt fram for handsaming i fylkeskommunen før prosjektet vert starta opp.