– Det er svært gledeleg at regjeringa har peika ut Hordaland som region for eit ekspertsenter innan undervassteknologi. Når Ekspertsenteret for undervannsteknologi (EUT) på Ågotnes no vert eitt av dei seks første næringsmiljøa som får status som Norwegian
Gratulerer
– Eg gratulerer alle dei som har stått på og arbeidd for at EUT skulle få NCE-status, med sigeren. Utpeikinga viser at samarbeid nyttar, seier fylkesordførar Selsvold Nyborg.
Årelangt samarbeid
Kompetansen innan undervassteknologi i Hordaland, som er utvikla gjennom årelangt samarbeid og bevisst satsing i dei ulike leverandørverksemdene, er i verdsklasse. Med etableringa av Eksepertsenteret for undervannsteknologi og den nasjonale satsinga på senteret, ligg det no godt til rette for å utvikla og auka aktiviteten til undervassindustrien i Hordaland, seier fylkesordføraren.
Stort potensial
Målet med dei nasjonale ekspertsentra er å støtta næringsmiljø som har stort potensial for vekst og omfattar bedrifter som er internasjonalt orienterte. Utpeikinga av undervassenteret på Ågotnes passar svært godt inn i dette biletet og er heilt i tråd med den utviklinga fylkeskommunen ønskjer, påpeikar fylkesordførar Selsvold Nyborg.
På petroleumskartet
Særleg interessant er utpeiking av EUT med tanke på den internasjonale satsinga som generelt vert endå viktigare i åra framover, og særleg viktig for undervassindustrien. Ekspertsenteret vil setja Hordaland endå sterkare på petroleumskartet både nasjonalt og internasjonalt, og eg håpar også at det vil vera til inspirasjon for sterkare samarbeid innan andre fagfelt i næringslivet, seier fylkesordførar Torill Selsvold Nyborg.