Hordaland fylkesutval sitt møte 25.-26. april 2006 er lagt til Hardanger. Tysdag 25. april skal fylkesutvalet ha møte med Granvin herad og Ulvik herad, medan møtet med sakshandsaming vert halde på Brakanes Hotel Rica i Ulvik onsdag 26. april kl. 09.00.
Tysdag 25. april skal fylkesutvalet ha møte med Granvin herad frå kl. 10.00 i heradshuset i Granvin. Med Ulvik herad vert det møte i heradshuset i Ulvik frå kl. 14.00. Begge stader vil aktuelle saker av felles interesse for fylkeskommunen og kommunane tekne opp.
Saker i møtet
Til fylkesutvalsmøtet står 11 saker på lista. Mellom dei er justering av klassetalet ved dei vidaregåande skulane for det komande skuleåret. Fylkeskommunen si årsmelding 2005 skal handsamast. Det same skal årsrapport om bruk av kompensasjonsmidlane for auka arbeidsgjevaravgift 2005, og plan for bruken av slike midlar i 2006. Ei anna sak er søknad om støtte frå Nordisk fredsakademi i Jondal.
Saksdokumenta til møtet er tilgjengeleg på internett: http://polsak.ivest.no/
Synfaring «Kabuso»
Onsdag 26. april frå kl. 13.00 skal fylkesutvalet vitja Tusenårsstaden i Hordaland, kunst- og kulturhuset Kabuso i Øystese. Her vert det orientering om og synfaring av anlegget.